KWAYO KUOM JI MA OTELO

Nyikwa Ramogi Ajwang’. Ma to maru. Sani koro oganda loso gi yawa gi. Kik wabed ji ma nono ma onge kata gi mbaka gi jowadgi. Wawe uru goyo siasa e ndalo ma biro gi. Watem uru konyo nyithindo moko madhi rango kar otonje e ndalo ma biro bang’e. Nyocha waneno kaka somo mar rang’iny mar aboro nene odwogo.Par ane uru kaka nene dwoko mar rang’iny mar apar gi ariyo nene ochandowa.

Migosi Bethwel Ogot, ngire mar Mbarariany mar kama ji somoe ma i luongo ni Moi nene oluongo bura. Ji adi manene odhi? Bura no ji nene obare. Ang’o mane omiyo ji mane onego bedi e loso wachno ok nene odhi?

Kaluwore gi weche mantie e thurwa, chalo ni nitie ji moko ma ok dwar ni somo odhi nyime e piny mar Nyanza. Uneno yawa, kik wabed jodong ayich. Kik ng’ato bed gi mor ka nyathi owadgi to chandore. Wakwayo kuom ng’uono ni burano ochak oluong kendo.

Professors Ochieng’, Wasawo, Ayiecho, Aduma, Dan Kaseje , Migot Adhola, Jalang’o Okumu ,Principal mar Maseno School ( Mr.Otula) gi ma moko mondo odhi e bura ni. Ji ma moko ma mondo oluongi gin jotelo mag kombe mag Luo ; Hons Oburu, Engs.Nyamunga gi Okundi. Kod yawa moko ma otelo ni serikal e piny mar Nyanza kaka DCs, Dos, gi jodong gweng’.

An kaka achiel kodu, aparo ni ma nyalo tero somo malo. Kik wiu wil ma ok uluongo Mikayi Asenath Odaga gi ja ode. Kuom jopuonj to uluongi Mr. Alila ( Homa Bay), Anyango Akumu (Rarieda), Akoko (Thur Gem), ma ose weyo Mr.Paul Odaga mane puonjo Kisumu Day Secondary School.

Koro bang’ ma to uluongi ji ma moko ma dwaro konyo somo mar piny Luo kaka Wagosni Okullo Joseph, Odhiambo Anyango, Bob Midega, Maureen Adega, gi ma moko ma bende nyalo konyowa terowa somo mar Nyanza malo.

An achiel kodu,
Apollo Anyango.