Kony moa loka okal kuom Community Based Organization (CBO) e gwenge

Ero uru kamano nyikwa Ramogi. Amor kod web sait ni kabisa. Ka e kama wabiro puonjoree ekinde duto.

Pacha chalo kama ni oganda mantie oko (USA&UK etc). Amor moloyo kod kony ma usechiwo ne wuodwa madhi laro kom ker desemba higani, to wach ma adwaro paro nu en ma; Raila ka oseyudo kom to obiro tiyo ne Kenya ok joluo. Oganda wa pod ni chien moloyo. Sani education en mana pesa lilo. Tich benede onge, to nyithindo to pod riek ei Kaluo malich. Oganda moko loyo wa ni kech jowete gi man oko oro konyo ka kalo e riwruok mag gwenge (community based orgs.) wan to magi wawinjo awinja.

Jaod bura ma Rarieda Moluor Tuju osenyiso kaka mwandu inyalo ter e kor gwenge, to ma nyalore mana ka jaod bura mor nitie kod konekson gi buche maoko mag piny owacho epinje maun tiere go.

Omiyo kwayo na en kama, wang'ni ka wuod mikayi obiro limo u, to wachne uru mondo ochak program manyalo konyo ogandawa e weche mag kungo, ohala, somo kod thieth kokalo e bwo riwruok mar gwenge. To mogich jodalawa, manyne uru nyithindwa skolaship, sani somo en pesa kende kendo namba mar nyithindwa madhi e univasiti osedok piny saidi. Nyasae mondo ogwedhu.

Erick Oluoch Alindi Wuod Nyar Agoro'
NAIROBI