Luoland-Stop blame games!

Ochanda,

Wach mindiko kani ochuowo chunya. Iloso malit kendo iweya ka gima awachi onge... Wamoko e chwodho: Chira, nyiego, owuora, luoro, acham ayien'g, ok obadha, wuoro kod mamoko... Joluo nyaka wa invest e Luo land and learn to be competetive. We must learn to be challenged and to challenge. Wagalore kendo ka ok wachiew to kata matin ma wan go dhi tee. Pod apenjraga ni buch jodong Luo kod Ker margi tiche en ang'o ka ok ginyal wuok ayanga kendo nyisoji yo makelo dongruok... Ji obet abeta makata samoro kata pur ok gipur, puothe nindo. Kata rundo ok girundi. Gin'giyo gi gik mindong'o matindo tindo ae to gibet ka gingiyo wan'gyo ni jokapango biro oro gimoro. Kata alot ok gipur e orundu. Nee uru kaka ji rabuon puro makata bath ndara kamatin to okete rabuon, to oganda to odiaga ni dhok... To ka ok wadhi mabor, joka tok kodera to uneno nade kata e ton'g ma wago kodgi Maseno? Ma e kama chandruok chakre. Ni ji ng'iyo wang' ng'ato achiel (obed ng'ato achiel mosomo e dala, obed ng'ato achiel matiyo e dala, obed jamoko achiel e gwen'g, obedo jatelo ei oganda...) Ng'ato achiel ok nyal timo duto, ok en Nyasaye. Omiyo asiro Migosi Ochanda kuom kidho wach madieri machalo kama. Waa uru malo!!! Ling'ni kimiyi.

Okoth Gordon wuod Asembo.