Dongruok ma Rarieda- Aduoko barup Migosi Okoth Leaky 14-4-2007

From: Antony Otieno

Daher mar keto ler e andiko mar Okoth Leaky ka en e dala mar Daresalam.mane oketie jaluo dot com tari apar kod angwen dwe mar angwen, higa gana ariyo kod abiriyo.

Migosi Okoth, nyalo bedo ni in kare to nikech ngato ka ngato ni kod thuolo mar wacho duto ma oprao keno onyalo kaluore kod kaka ngeyo mare e weche mag dongruok e gweng mar Rarieda to kata mana e Kenyan kod piny mangima.

Bende nyalo bedo adiera ni en wuod gweng kaluore kod nyinge bath piny ma omulo e andiko mare, to mak mana ni kuonde ariyo kata adek ok miwa ngeyo kata bedo kod nonro matut e gigo ma timore e Rarieda duto kochakore Aakado nyaka Misori kata Aram nyaka ichop Pith ka Elija Gobei ekind sakwa kod Asembo, kata Got Kaonje e kind Asembo kod Seme.

Bende ka wawuoyo e weche mag dongruok piny, owinjore waket ler e pogruok manitiere e kind dongruok ma okel kod piny owacho (Piny owacho makite ler kendo timo timbe kaka chenro mag siasa malongo owinjore obedi) to koda dongruok am okel kod jalo ma owuok e gweng kaka jatelo moyier.

Miyo nyaka wapog Tuju kata ngato angata ma ochung Rarieda kod timbene en owuon to kod timbe mag piny owacho. (Piny owacho makite ber kendo timo kaka jopiny dwaro!)

Bende wach dongruok mar piny ok nyal go mbake ma ok wanono lemo ma siasa kawo kuom gigo matimore e piny. Siasa makenya rach! Rahc mare chakore kod loch mar wagunda bange to omedo rach ka jokenya mangeny otho e lwet wagunda kaaye to e lwet keynatta ka kooro iye obedo malach kendo wiye dooko matin. Timbe kata kiod mahalo kamono bende waneno e ndalo mak loch moi kendo sani ekinde mag loch kibaki.

Dongruok duto mag piny owacho osebedo ka ichiow ne gwenge ma ohungo lwedo, jalo man e loch. Kata henge ma josiaaa mage yande obedo osebdeo jokihindoko, kod mifwadhi mangeny kata jogo ma timbegi ongilo. Thuond Luo mangeny ne onindo e badgi nikche andhoke mane loch nanga otiyogo to bange gin bende ngima ne ongad machwok ( Mbuya kandiege, Ambala, Oyugi to kod mamoko) omiyo kata mana sani bende pod wayudo yawuot Luo maolokore andhoke, kendo obuongo magigi odok e iyegi. Sama wanywando dongruok ma piny owacho owinjore omi jopiny maonge dewo ni en nga ma otelo a gweng, ok wabed joadier e yor andike kata puonjo jopiny e yoo makare,. Wamedo mana bedo raidhi ma libembni moko kata jogo ma omako loch piny wacho tiyogo kaka gidwaro.

Gigo ma Jo Rarieda mana kaka Jo libembni mamoko e kenya owinjore oyudo ka owuok e lwet piny owacho, gin gigo ma giyudo kaka jokenya kendo maonge dewo ni en Tuju kata ngawa ma ochung ne Rarieda. Ka Tuju kata ngato machielo ochiwo chiwo moror e gweng, ka owuok e ofukone kata kuom osiepene, onge wach. Onge mar adier bedoe mana ka wnaywando wecher ariyogi.

Jo Rarieda chulo osuro mana kaka joma moko bende chulo, to gima giyudo kuom osuchgi em osebedo ka onge. Onge nikech siasa marach. Siais ma raireda kata Nyanza duto ok rach nikech wan kod jo siasa maricho, ngang, kwedo timbe maricho kata mifwadhi en kit jaluo kochakore chon. (som Ngire Achola Oyayo 1976). Kenya ne oyudo loch nikech kedo mane jokenya duto otimo. Moko ne okedo kod tonge kod aserni, to moko ne otiyo kod wigi (ji kaka Oginga kodinga). Mak mana ni bang ka le ne osenegi, koro pogo lemo, osebdo bedo matek nikech guondo, ich lach, lep mobam wich madiny, koda wich ma odokie ich) magi ema ne okelo wach (Som Oginga Odinga not yet uhuru 1967).

CDF ok en pes ma owuok e kirop Tuju, Ndara ma Ndori Owimbi bende pesa magere ok owuok e kirop Tuju. Nyamburok mag thieth ma okoth wachogo, ne nyalo bedo gweth ne Rarieda, to ka Okoth nenogi mana Nylima e bath dalagi, Rarieda duong ma ohewo Nyilima. Nyamburko go ok chopga Osindo kata dho wath Maksasembo, ok gichopga kanyagaya kata Ujwanga.

Ka Migosi Okoth ok nyalo pogo dongruok mar Piny owacho kod matuju okelo owuon, to kara owacho ango, ka apay ma Ndori owimbi dhi nyi e nikech tich Tuju, to Kmaito Akado to mar piny Owacho?

Gima anyalo wacho ni Jo Asembo kaka Okoth en yawuot Asembo kod Nyi Asembo ma oseneno oko mondo otudore kod pacho, kendo oket ler ni jogo mawaweyo dala e adieri mar weche mag dongruok. Wangeyo maber ni Tuju nikod jogo maringo dhi ire kwayo kony matindo, jmifwadhi machalo kamagi yuodre e pinje duto kendo e Rarieda gingeny. Bende Okoth ongeyo ni odiechening moror ne jamifwadhi moro ochoko nythindo kod Jonyuolgi ma otero e dal Tuju Ralingo, mondo onen ni nythindo makiye ma yudo kony kod omuom mar somo koa a piny mar Canada ikonyo kod Tuju? Bende Okoth ongeyo jogi ne oryo kech nikech tuju ne kia ni limbe makama ne timore. Jalo mane owuok Canada mane bend eni e wuodhno bang ka osewuondgi ni gin welo ma oluongi e dala Tuju, kane owijo kata Jo Asembo loko wach ataro, ne obwuok ahinya? Ji machalo kamgi em wuondo jopiny kendo miyo jowa ok bed kod paro malomng mar ngeyo gig ma owinjore ginge.

Marariyo daher mar kwayo Migosi okoth Mondo onyis Joluo ni omuom mar CDF osetiyo machalo nadi. Ka idonjo e website mar Rarieda, onge kama onyisie omuom ma osedonjo to koda kaka gisetiyo kwuonde mage kaluore kod dwaro duto mag Jo Rarieda. Ka idhi Kisuu Rural kata Bondo, to mago ineno ka oket maler. Adiera makamagi tek ne jo Rarieda nikech ango? Ka Tuju po nono ni otimo gimoro ma ikwano, onge ngat manyalo tamore. Dongruok en wacho kod timo, tim ma nenore, tim manenore ok w gweng achiel to raieda duto. Ok e daal ji ariyo kata adek madhodho tiend Tuju, to e ngima Jo rarieda duto, ma pudhe, kiye ma ok ongeyo kaka ichopo Ralingo ka Tuju.

Pi modho idwaro Siger, Mahaya, Nyagoko, Kunya, Got kaonje ok Rambugu ((bende Okoth nyaka ket ler ni jopiny ni dag pi ka oger Rambugu to joma biro yudo pii gin jo Ralingo manie gweng gi Tuju) ka kunyo mar pi kaka Okoth wacho ineno e yor Aram. Siger, Lieta school kod kuonde mamok a oro negoe jo Rarieda, to Pi ma Okoth wacho no biro bedo mana lak liech. Ka okoth dwaro ngeo pi ma chopo ni joiny, to oyie ochop e Uyoma water project kata otim limbe e apis mar CCFMC e boma mar Kisumu mondo onge adier mar pi ma Rarieda.

Bende Okoth nyalo yudo nonro e wach Rarieda kar tudruok man Mwalo kaeni:

www.africanpath.com/p_blogEntry.cfm?blogID=76&blogEntryID=596 - 78k

Antony Ong’ayo