NEYE KAKA DHOLUO MIT MIWUORO NONO.

EN KUYO AHINYA NI WAWEYO DHOWA NIKECH DHOWAGUNDA.
Piny owacho yuak ahinya kod wito dhowa nikoro Dhowagunda ema waoye.Aneno puonj mabeyo kaluwore kod weche ma Ajos Wuod Atiga chodo mos kapuonjo anyuola wa mar onagi. Nitiere weche matut ma wanyalo mana winjo tiendgi ka ondikgi kod Dhowa maen dholuo. Ayie mana ni Dhowagunda bende ber abera to jothurwa wawe wito dhowa mamitni.Ose bedo kinde mogwarore ka ok ane mangeny ka wuok e Dholuo tonikech anyuolawa mar Joluo ose ramo ni Dholuo nyaka lal. Wan kod Mwache mangeny ahinya ei Kenya to Yawagi ohero dhogi maok gi dwarie tugo. Wane anena Atwara kata Akamba kata Joksii, Jogi ok nyal wacho weche maiye kagikuotho kod dhok moro amora to mana dhogi. Gima rach kod yawa ma Joluo ni gi ngeyo Dhowagunda ahinya kendo maeri miyo ok gidwar tiyo kod Dhogi ngang.

En kitwa kendo mor marwa niwan kod Dhowa ma onengo wapuonj nyithindo mawanyuolo odongi ka gi ngeyo Dholuo. An ahero Dholuo ahinya koro ase bedo ka atemo jiwo anyuola duto ni kik wawe kitwani. Ajos Wuod Atiga med puonjo anyuola kar chakruok duto mar Oganda mar Luo. Ne aneno kaka Iwuoyo kuom Pinje machalo Kwabwayi, Kanyidoto, Kanyikela kod moko maok akwano. Yie mondo ikonywa kod kaka Kanyada ne ochakore.
Nyasaye oritu uduto.
Jandikoen.
Odhiambo Omolo Jakamagambo(Kodero Bara)