PINY NENE IKORO NYAKANENE, SANI KORO MAGWA TO GI MANA JOCHIEB DONY

Jothurwa piny nene ikoro kod lamo kod Ajuoke maneno gik mabiro, sani joma lamo ma oluoro Raila kod Jo-tendwa mag luo gi joma koro weche mana ka ogo dhogi bor, omiyo thoth gi ok ne gik mabiro nyime, gin gineno mano "on'gwen'go to ok boche makelo koth"

Wan kinde wa kod Jaramogi ne wamako Jolamo kod Jo-Koro mathoth mane ng'iso wa weche mabiro nyime, kendo kata ne obedo ni samoro weche kethore to nge'ny gi waneno ikende mag kelo lokruok mar ariyo kaka:

1) Ker Nyakach machon, Kere Wuod Owuor nene okwero Jaramogi ni KPU ok nyal loko Kenyatta kaok watiyo kod Jo- Lweny gi Pesa, to Jaramogi ne odagi ni en ok onyal bedo kaka Savimbi (Angola) , mano nene ber. To ndoge ok ne waloko loch koso 1966 ?

2) Jaduong' Kere nene ongwedhi nyakware Omondo Pilot ni odhi orom kod Kenyatta akor ga akor , ma mit nene oyiege motegno higa mar 1971 to Mwalimu Nyerere kod Wakamba eme nene oketho ne wa loch dalo Major General Ndolo e tend lweny.

3) Ondeto Father Melikio Messesia nene oneno ni, Ochuka Rabala, Okumu Otiyo kod langwa mamoko, ok dhi loko Moi mak mana odhi yaw wang' piny ! To donge nene Rabala oyiego piny ratiro 1982 ?.

4) Messiah Father Melkio Ondeto nene okoro ni Ford dhi pogore, e kendo kura no go e dhoot ka dhoot, omiyo Moi nene onege kod som, ma nyar tok kodera mani tedo ne chiemo ema ne omi Kshs 50 000, Arch Bishop Oria wuod Alego yande otimo nene no kopok otho.

5) Jodongwa mose nindo kaka Councillor Mbewa Ndede,Koyo Opien, Mzee Mbaka, Dr Omollo Opere, Adala Otuko, Jaduong' Sidondo, Ombok Thim, Amoth Kowira kod jowa mathoth kod mine machalo Mama Aboge. Ne joyalo bura mogik kod Jaramogi ni nyaka oduok Joluo e sirkal kendo odhi omakre kod ojelo jagot (Moi) nimar okuche ose ng'adonwa rieoko marach, mani e kaka Jaramogi/Moi coorporation ne ochakore, kendo ne waneno ka oganda luo ne oyudo konyruok kuom kinde matin no. (Omiyo Raila bende ka nene oloso NDP/KANU merger ne oluwo mana wache Jodongwa to kare ango marach ka odhi nyime kod kelo Majimbo be ? ).

6) Jaramogi kapok otho to owach nI " NI NE GIMA RACH MONDO WAGOl OGANDA LUO E SIRKAL KUOM HIGNI 30, TO GIN BENDE GI GOLO KODI, OMIYO ADUOKO U E SIRKAL KIK KORO NG'ATO GOL U WACH MADUONG' EN MANA DUOKO MAJIMBO "

7) Mogik en wach Majimbo, Jo-koro kod Jo-lamo ose neno matut ne oganda luo ok no yud konyruok ka piny ok odok mana e Majimbo.

Mani e wach maduong' kende manyaka jowa masomo mariek machalo : Joseph Okumu wuod Yimbo-UK, Meshack Owino-wuod Rariada-USA, William Oduor wuod Ugenya- Denmark, Odundo Jakarateng' Wuod Kisumo-USA. Ose nono matut moyudo ne e yo kendo ma-Joluo biro yudo godo loch e Kenya. An bende awinjo ka juogi maler okasa ni nyaka aket wach ni e lamo kod riyo kech.

Wan wachuny kar tiendwa e wach MAJIMBO mati mata, kendo nyaka wakele, an bang' woud Jaduong' nikech en ema en kod tend luo sani kendo onyalo konyo kelo wachni.

Jadolo Okoth Otura,
www.cdmk.org
Canada.