dongruok - mae e sawa Nykiwa Ramogi!

Akelo Nyar Kager,

Amor ahinya kuom yudo thuoloni makende mondo angeke manok ne ogandana. Asebedo ka afwambo weche mag siasa e pinywa, Kenya kawuok e dhod mbuyi kendo amor ahinya nitinde 'democracy' oyangore kendo siasa duwore e lela, ok kaka ndalo machon. Sani ka gimoro rach to idhianyo adhianya e laro!

An alemone nyikwa Ramogi moloyo to ne Agwambo! Mae e saa wa sani amonge moro man wayud maloyo mae. Wang'ni kik iwene ngato thuolo kata matin! Wang'ni karach to obed abeda marach, nyaka item bedo ker wang'ni. Wan bende wan mana nyodo miyo kik ngato buogi, koso? Nyocha omiya mor kod ilo echunya ahinya ka asomo wach mane otimore Mambasa...aaah, aneno ka yawuoyi osechako thiwo moo e bang' gi kendo gitetni aduwa! Mano een, oteku pek negi. Wang'ni yiech kabisa. En mana ni wan mabor epiny Amerka kae...mano kaka anindo kod ombulu wangni! Kata kamano, walemo piny maruu, Obongo ni kodwa kendo okumba ma wan godo pek.

To iwinjo Amolo, lire iit omeru ma Tuju kendo ikete bathi! Gik ma osetimore iweyo ga, jii jodala! Waparie gik mane Ruoth owacho e lemo mar lamo! Ne amor ahinya kane achopo pacho Uyoma ma aneno dongruok ma jaduong' Tuju osetimo ne jo Rarieda kendo daher ahinya mondo jo Rarieda oduoke odhi omed kelonwa dongruok ma osetamo jotendwa kelonwa nyaka ne kenya yud loch! Sani chumbe wangore rangengni, simu ochopo nyaka e mier, pii bende nyocha aneno ochako wachne ndunya etc...ne amor ahinya kod tije nikech okawo higni ang'wen kende to gima otimo neno moloyo duto tee ma jotendwa mokalo osebedo kaweronwa awera kod miriambo mogundho! thuu... achayo tijgi ahinya! Koro wach mane aneno en ni otiko biro thago wuodwa, Tuju. Nyaka ong'e ni remo pek maloyo pii kendo riwruok e teko! An awuon edhod chunya ahero tij jaduong' Tuju kaluwore kod dongruok ma okelo kendo ang'eyo ne ka omiye thuolo to obiro medo moko. To ema omiyo akwaye ni ng'uono mar Ruoth odonje chunye (kendo Amolo orwake) mondo ODM oternwa joma nyalo kelonwa dongruok machalo kama!

Mano e kwayo mara machuok nyikwa Ramogi, wang'ni onge rango chien, wang'ii uru nyime kendo waked kod jogo ma onge ngukni...pap oyaw ma ngama dwaro obi abiya! Onge weyo ne ngato thuolo...dho ngere ne ok oriambo ka ne owacho ni "enough is enough"...Wase miyo jii ahinya, wan bende wangni obedie marwa! Duto aneno oka ochopoe akirikiki kendo chumbe koro oregre arega, mogo wadwaro, Tinga kelwa mogo!!

en nyathi Olola ja-uyoma katweng'a.