Re: Ng'eyo jotend Luo

Jotend Luo

Kaka jothurwa mang'eny osewacho, lwenj luo ok en siasa. Wasetemo siasa to siasa osekuamo kuom igni piero angwen mokalo. Mano ok nyis ni siasa rach, onyiso ni konyruokwa ok ae e siasa kende. Gima odong' ma joluo pok otimo maber ahinya en chako chenro mar dongruok motingo joluo matek tek tee. Joluo mangeny embui ni oseloso buche mopogore opogore mondo gi tem bedo gi chenro mar dondruok. Odundo Jakarateng noloso Luocome, John Otieno gi oganda ne oloso lolwe, jomoko bende oseloso grube kaluwore gi gwenge ma gi aye. Wanto Nyocha waloso KDFC ma oriwo oganda te mag luo. Wadhi maber kendo koro sani wase chako ndiko jokanyo mag riwruok. Wabiro landonu malongo kaka jomaohero nyalo donjo e grub wa. Wan erowa en gero piny luo eyore mag loso weche mag ohala mar pesa, gero ute, loso weche mag pur kod gik ma kamano. Wa temo mondo wariwre gi grube joluo duto moyie mondo walos galamoro manyalo kelo pesa maduong.

Weche wa mangeny inyalo neno e website mapod iloso miluongo ni www.kenyadevelopmentfund.com. Registration ibiro tim e website ni gi non refundable $10. Bange wabiro bedo gi bura malich maduong mag joma ose register. Joma oketo nyingi ebura ni ema weg KDFC kendo gin ema gibiro keto chike mati mata ma KDFC biro dhi godo mbele. Weche mag KDFC waserieyo maber. Onge chamo pesa ji kata oyuma e grub KDFC. Wase wuok oko mondo watim gima ji biro neno epiny luo. Konywa uru e lweny mager ni.

Barack Abonyo