KIBAKI WUONDO JOKENYA NANGO?

Piny owacho odag wach mar Ni Kabaki wuondo ji elela kaji obedo piny winjo kendo neno.Mokuongo amedo jiwo anyuolawa ma iluongo ni Onagi duto ni wayie ni ungeyo dho josungukata wagunda ahinya to nitiere weche magwa manyaka walos mana kaka anyuola kawa tiyo kod dhowa mar Dholuo. En ber ahinya ne owetewa ma ochuado buge e ranginy mamalo ahinya kanyalo ndiko maber kod Dholuo, Ne uneno ka Ajuoga Paul Nyndoto, Migosi William Oduor, Migosi Bob Awuor, Migosi Nyangweso kod yawa moko maok akwano tiyo maber kod ndiko dholuo.Ajiwo ahinya wechegi mongith.

Kibaki owek wuondo Jopiny kod gik ma ok nyal choro Kenya nyime.Ere kaka ngat ma onengo okel pogruokeyor ber ei piny ma orito bedo mana kod wuondo ji?Jobaluya kik wuondi kod gik moko maok kony. En wich kuot ahinya kod jotelo mawase bedo godo endalo maose kalo.Kenyatta (Otike), Moi (Wuod Baringo) kendo koro wan kod Kabaki(Wuod Othaya). Yawagi duto gin KANU Kendo timbegi chalre. Yawagi ok ni kod chuny mar gero Kenya to mana mar duoko Kenya chien. Ere kaka piny nyalo dongo ka onge Yore ma geche ringoe mondo ji owuothi eyo maber ochop kuma gidhiye? Ere kaka piny nyalo dongo ka kwonde thieth kod laktere mabeyo ne oganda onge?Ere kaka piny nyalo dongo ka jomaundo ema olokore rito piny? Ere kaka piny nyalo dongo ka onge medruok eyor pur kod ohala?Ere kaka piny nyalo dongo ka nyithindo somo to tije ongenegi? Sirkal nyaka tii matek mondo oger piny kod weche mag ohala kod medo Pur mondo tije obed ne ji duto.

Piny owacho koro odagi chuth ni Kibaki ok onengo orit piny endalo mabiro. Nitiere penjo ma ji onengo openj(Kibakis Government) Nanga, mokuongo en wach mar Loko Chike (CONSTITUTION) Mar ariyo en wach mar Kuo mar (GOLDENBERG)Mar adek en wach mar kuo mar (ANGLO LEASING DEAL)Mar angwen en wach mar ni Jo-dhot achiel ema nyalo rito piny (GEMA). Mar abich en wach mar ni Jood bura medore ameda omuom kaka giduaro to onge ngat ma penjogi. Wechegi nyaka jopiny penj sirkal mar Kibaki.

Ero ne uneno gima otimore Kakamega, kalowo omukore bang koth mar ajiki kata kodh nyaore ma oimo udi mane nenitiere jok mane nindoe iigi kendo pod gima chalo kama dhi nyime to onge kata mana mitoka mar tingo jotuo mondo ochop kar thieth.Magi gin wuondruok to jopiny oling ni ok wuoye.Ajuoga Paul Nyandoto ne openjoni ka ngato ngute kata oguche otur to itere e kar thieth kod ndiga to mato inyal kony nango? Jobaluya kod jokma odong onengo okwed loch mar Kabaki chuth mondo gik ma odwanyoregi orum e piny Kenya. Omuom ma Kibaki ose bedo ka kwalo nyaka ne ochak bedo e telo chakre1963 nyaka sani nyalo konyo gero kwonde thieth mabeyo ei (Districts) tee ei Kenya kod mitokni mag tingo jotuo apar ei kuonde thiethgi duto.

Ok wanyal ling kaka jogo maose ngiyo nyime to jowa man kadala to idwanyo.Wadagi chuth.

Jandikoen
Odhiambo Omolo Jakamagambo(Kodero Bara)