bedo e jaluo.com

From: JOHN KOGA

Penjo:
Asebedo ka asomo weche ma ondik e duond jaluo.com kendo amor go. To ji bedo jakanyo nade? Mar ariyo akwayo nonro mar KANO (NO). An a jaKano, kendo ang'eyo kweraga nyaka achopi e NO. To apenjo Abila ni to NO ne wuod ng'a? Orna nying kweraga ka owuok NO nyaka PODHO ma Wuod Ramogi.
An Wuodawino Ja Kochogo(Onyango)

Dwoko:
Akawo thuoloni mar dwoko penjo mipenjo kuom anyuola mogero piny Kano. Inyalo yudo anyuolani kochakore Ramogi Ajwang' ma wuod Podho;
Nyuolruok mar yawuot Ramogi Ajwang':
Konya onyuolo Olole, Sakwa, Moth, Owino, Mot, Mageta kod Julu. Anda onyuolo Alego, Ragen gi Ragenya (Nyalgenya).

Omwa onyuolo No gi Chwanya, to bang'e kane otho to onyuol nyathi moro miluongo ni Omwa. Kuom mano inyalo yudo nonro mar joka Omwa mwalo kanyo:

JOKA-OMWA: Omwa onyuolo No gi Chwanya. Bang' thone bende ochak onyuol wuoyi moro bang'e mochak Omwa. No onyuolo yawuoyi adek: Dimira, Dibo gi Songa.
Songa oriwore gi mwache moko, sani iluongo gi ni Usonga. Dimira kod Dibo to oriwore ogero piny Kano.
Mago to gi mamoko agenoni ibiro yudo anyuola mogero piny Kano.
Mogeni,
Mig. Ajos wuod Atiga Ny'Ochola
Wuon Abila, Jaluo dot Kom