Penjo kuom iko Migogo

By Odhiambo Omolo
Date 9.25.07

Nyar Ongeche,kaka ipenjo anyuola duto mar Onagi,En adier ni LUO KITGI KOD TIMBEGI.

Dhano en Lee mariek miwuoro nono ema omiyo ochiko ite mos ka owinjo wach kata weche maok oyango kata ngeyo tiendgi makare.Wapuonjore nyaka watho wadhi e lowo.Kaka wan Oganda mar Onagi wan kod puonj mabeyo ahinya maka iluwo to nyaka iwinj kata idhi maber kod dak mari engimani.En hero mar ngato mondo olu chike mag Joluo to bende onge ngat ma biro chunoi ni nyaka ilu chike mag anyuola mag Joluo.Thoth yawa man kod yuto maber kod somo maber koro nganyo ni Chike Joluo onge gima konyogi godo . Nitiere lokruok madhi nyime epiny mangima (Environmental Changeor Adjustment)ne dhano duto tee kaluwore kod kama idakie kendo nitiere lok ruok mar dakua kaluwore kod jogo ma romo godo e ngima marua kamoro amora ma wantiere.Joluo yudore kuonde duto epiny mangima to kik wiwa wil kod kuma ne wa aye kod kitwa mabeyo.Kata e kuom Nyasach Omogi Awando nitiere Chike apar mane omi dhano Joluo (Our roots). Kik idonj e piny Wagunda kod timbe magalagala maok jowa gunda oruako, to be kik ikaw timbe Wagunda maricho itim nikech in epinygi. Yie mondo iti kod paro mari maber mane Nyasaye omiyi (Common Sense) ka itemo donjo kamoro amora ma idhiye eyo makare kod muolo maonge maundo kanda koko moro amora.

E seche makoro wase chopoeni kata chomo gi jothurwa, timbe mag anjawo koro odwa bedo mangeny maloyo dimbruok nikech thothwa wigi tek maok giwinj puonj mao kuom yawa madongo man kod dak ma oriere. Onge kaka Jaduong kata Miyo maduong nyalo puonjo nyathi kaen owuon kaka Ngat ma ngongo ema onjawore ma okia kuma oaye kata kuma odhiye kain ngat ma ose bedo ngat ma ngongo ma ose yudo kend ber mondo idag ma ochanore kod dimbruok chuth nikech in iwuon e (role model) ne yawa mamoko mapod tindo.

Joluo ne ok gin jogo ma ohero anjawo kata matin,Nyathi ne bedo kaka nyathi,Dhako ma ose nyuom ne bedo kaka dhako man ei ode kendo ongeyo Yuoche kod Kwerene kod Deyene kod Weyni ne kendo luor ma onengo odag godo kodgi. Mama ma ose bedo maro bende ne ngeyo gima omiyo iluonge ni Maro,Ngat ma or ne ngeyo gima omiyo iluonge ni or.

Nyar Ongeche, weche ngeny ahinya mag dongruok to itimo maber ka ibed jachir ma Ipenjo anyuola mondo okonyi kod paro kaka inyal los tiend weche madongo gi.Joluo man kod somo maber temie uru uchak undikie BUK MAR LUO KITGI KOD TIMBEGI CHA KOD WECHE KATA TIMBE MA OMEDORE (UP DATES) KOD MAKORO OK DWARRE (OUT DATED) Bugni dwarore mapiyo ahinya nikech weche ochomo kama muomowa.

An awuoyo kaka Wuod Onagi ma timbe joluo berne.

Nyasach Omogi Awando Otelnu.