Ramogi --

Weche adek man malo kaegi, Punglu, Pangla kod Pengle, chanda. Luo tiyo kodgi kaka dhowa to ok awinji kata ng'eyo maler nonro margi.

Ahinya gin weche ma owuok kuom tieng koko ma iwinjo ka gimoro ma olos kod chuma oal malo, kaka wi ng'ango, olwar ogore piny, kata ka gima kamano ma ochungo ewi loo ogore piny, bende kata ka gimoro otuomo gi ma kamano.

Machielo bende athoro winjo ka itiyo kodgi kuom nyiso okang' moro manitiere koko -- kaka chaos gi dho wagunda.

Ng'ato ma ong'eyo maler tiend weche Luo gi inyiswae nonro mar gi matut. Penjo na kuom gi gin magi:

1. Ka en kaka awache malo ni watiyo kodgi kaka tieng koko, dipo ni weche adek gi odonjo e dho Luo bang' ka Luo ochako tiyo kod gik ma olos kod chuma koso?

2. Ka watiyo kodgi kuom nyiso okang' mar koko, nade weche gi carry negative connotations koso bende inyalo tiyo kodgi in a positive way?

3. Ere kaka owinjo ti kodgi? Bende inyalo ti kod achiel achiel ma tiend gima iwacho winjre koso nyaka riwgi? To ka iriwogi, ere yo maber ma owinjo riwgigo?

Wa wacho ni .... punglu pangla. Bende en kare mondo ng'ato owach ni .... pangla punglu kata pengle, punglu pangla?

Miya uru wach!

Erokamano
Oyuga Ojuok
Ja Kanyongo.