BENDE CHIK OMAKO MWA MANIE I LUO

Penjo

Amosou uduto. Apenjo wachni nikech ne asesomo migawo moro ni jo muksero gin jo mwa makoro ni ei luo. An awuon an ja muksero kendo wakikore kod kisii. Penjoni apenjo nikech wan kaka jo muksero, yudo jaduong' ma ong'eyo weche luo maber tek.

Ka ipenjo jodongo mopogore opogero to duoko pogore. Ema omiyo akawo migawoni mondo apenji ka chik mag luo omako jok ma iwacho ni jomwa ka jomuksero. Wanto dholuo ema wacho. Chike machalo goyo dala kata mag owete kata mana mag tero ka wuon dala otho.

Ero kamano.
Ochara Omboga
Ja Kalando

Dwoko

Mano ber wuod Kalando ayudo penjo mane ioronwa, Jo-Muksero gin anyuola masani wanyalo wachoni giluwo chike jo-Luo nimar ethuoloni gidak kod jo-Luo kendo giwacho dholuo. Mak mana anyuolagi machon emane owuok ei mwache omiyo giluwo chike Luo. Ang'eyo kit dak kaka jo-Muksero odak malong'o giwacho dholuo mak mana higni machon ema yande giwacho Ekegusii (dho-Kisii). Koro to en hero ng'ato, ka ng'ato ohero ni oluwo chike Abagusii to onyalo mana luwo to kaka ang'eyo thothgi to luwo chike Luo. Jamwa modak ei Luo chike Luo ok omakogi mak mana kend ema tinde omiyo gigo chunogi mondo gi luw chikewa, nimar nyithindo maginyuolo odongo ka ong'eyo mana chike jo-Joluo. Kendo ok ochuno ni nyaka giluw chike Luo en herogi giwegi.

Kwe kende wuod Kalanda, wuodgi Ofin Ofan Man-Solo gi Mita Ka-Kiriso!

Mogeni,
Mig. Ajos wuod Atiga Ny'Ochola
Wuon Abila, Jaluo dot Kom