An Ouma jakarachuonyo. konyauru mapiyo ka okalo embui, an kod chandruok.

Minwa ne ok oter dhok dalagi, an bende anyalo tero dhok dalagi chiega?

Penjo:
Wuonwa ne onyuomo minwa, to dhok ne oter ka owadgi wuon mamawa.Osechamo gweno kendo osenindo kanewa(kor gi minwa).Koro penjo mara chalo kama: An adwaro dhi nyombo, bende dhok manyuomo chiega nyalo donjo edalagi (ka babagi chiega)?.Wuon abila konya mapiyo alewo.

Dwoko:
Erokamano kuom penjo mane ioronwa kuom wach mar kend kod tero dhok thurgi nyako, gima ipenjo ber to adwaro mondo iler tiend wachni malong'o ere gimane omiyo ok oter dhok dalagi mamani? Ka diponi ne nitie kwer moro to mano in bende odinoni ma ok inyal tero dhok dalagi chiegi, inyalo mana tero e dala owadgi wuon ja-odi. Tem mondo ipenj mamani gimane omiyo ok oter dhok dalagi endalo mane babani dhi nyombo. Kuom mano kiseyudo ler kendo onyisi ni onge kwer moro mantie to in thuolo mar nyuomo nyaodi kendo dhi dalagi. Mano ber wuod Karachuonyo tim mana kinda piny masani tinde yawuoyi ok ter dhok e keny ma in aneno ka itimo gima ber ahinya, tim mana kinda.

Mogeni,
Mig. Ajos wuod Atiga Ny'Ochola,
Wuon Abila, Jaluo dot Kom