AGAJA

KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

	Enter your search terms Submit search form
	Web www.jaluo.com

Uwinjo Jo Kenya duto,

Wuoguru ugoo Ombulu

Ombulu ber

Ombulu no okwar kendo orateng’

Wang’e be oonge go

Ombulu muofu; en ok one kiti ni ichalo nade

Luoro mathoth be oonge go

Ombulu ber

Koluarni to oluarni

Kama oluare no to ema omake loo kendo olothe

Olandore…

Onyak

Aaa Ombulu kodhi

Ombulu ber

Kobai to obai kendo koro irito mana ombulu moro

Kata kaluore gi kaka oluarni to lemo miyudo koro e mari

Obed bam kata kuom

Mana kaluore gi kaka oluarne jomamoko

Ooyo Ombulu ber

Ombulu rachiero, muofu

Ober maloyo bura moket e duol

Ma wang’ jokuotho romo gotieno bang’ bura ayanga,

Ka giloko weche ka gitemo rocho go ji

Gi dhok mak wach gimoro achiel

Dhok ma bagni gi wach, miriambo

Samoro ni ma

Samoro ni macha

Dhok ma nganyo ma gi macha

Ka gihimo godo mana dwarogi

Ooyo Ombulu ber

Ombulu rachiero

En oonge wang’e

Oonge mibadhi

Kama oluare no

Ema pende make loo, ema olothe

Oonge minganyo ma wang’ ibo nganyu godo

Oonge kuoth gi akwede

Kata luoro ma mako chuny joma oluoro adieri, jomichieri

Ombulu ber, Ombulu long’o ndi

Kata Apuoyo yudo mana lembe kanyo kaluore gi Ombulu

Liech be yudo mana mare kanyo

Mbui be koro ok wuondi, ka inganyo ni itiyo gi tonde,

To kawang’ ochopo sama ji chiemo

To ikete onang’o agwata

Kata sama iyang’o dhiang’

To en imiye lemo morem

Tielo, orenge, gi pien midang’o

Ooyo, Joka Akenya, Jo Kenya duto

Ombulu gweth Janam

Ombulu olou

En e olou miluto e pii, kata e aora, kata e yao

To ka owuodho ni opato to mano e mari

Ka ngege to mano ema idhi goyo godo olau piny

To ka fulu to mano ema iyuero godo kado

To komiyi Nyamami to ema itero pacho, oganda dhi go godo kuon piny

Kata ka ningu, to obed mana ningu no

Ooyo Ombulu ber

Wang’ni jomoko be otemee akala

Apuoyo wang’ni othedhne Liech mana akala

Ogila be oruake wuoche no

Aaa Mbui kik ruak opato!

Akala gi opato baro tielo

Liech be wang’ni minembe ochame tiende…

Ombulu ber

Omiyo Liech ithedho ne mana akala

To kata ka tond Mbui no ni ema ji geto

To wang’ni kik utude ne jomoko, ne ng’ata ng’ata

Ng’ama dwa dhi nyombo e polo no omany mana tonde

Oter mana ruadhe gi nyaroche ka keny

Mbui odagi…

Wang’ ka ji sechopo e polo to Liech ma uloso ne wuoche

Mutudone koda tond Mbui

Biro loko nyinge

Ni nyinge ‘WADUTO’

To kare ‘WADUTO’ mana en,

Mana en gi joge

Kaeto wang’ iboketu gi nag’o agwata kendo

Sama jomoko to odich gi mor kiich

Koda ring’o gi bor alenya

Gi chak,

Mopoto

Gi aliya

Koda gweno mobul,

Motiapo

Un to iketou gi mariewa

Mobul e maa duol

Gi nyuka

Mar bell

Ma onge kata sikari nguru makete obedo ma mili mili

To jomoko to madho chak koda rabuon

Motedi

Unto atipa ema oketu godo, manayasi anyasa mibudo mana gi pii eka muonyre

Ma onge kata ring kado miyudhe go

Kata matumbo miwuondo godo iye

Ooyo Jo Akenya Ombulu ber

Ombulu no rachiero, umuofu

En oonge gi akwede

Ombulu no e nyamin Demokrasia

Demokrasia Nyako ma jaber

En omiel mana kodi kilombe

Gi wach, gi tim

Ok gi ang’enge gi miriambo, loko wach, loko singo

Nyiri tinde ok yua otieno ka dayo

Wach ema yuayo nyako

Ombulu ber

Ayiera ni ji winjore to wang’ gibiro nganyou go

Kaeto irochou, ithirou kendo

Uchak udok dwar oko, kudhi menyo e thim

Kumenyo e thimbe jomoko

Kaeto uchako umoto e badu

Higni kendo mana abich

Kata apar

Kata moloo kanyo, ka jiyuare mana gi wach, miriambo

Kaeto wuoche mane uchuogo cha

Ema chak nyonou piny ka

Ka Liech koro wero wer

Ni, "Tong Onyango Onyango Omera

Tong Onyango Onyago Omera

Wago ni thup

To wamuonyo

Wago ni thup

To wamuonyo…"

Yaye Joka Akenya,

Ooyo, Ombulu laktar

Othiedho miriambo, othiedho michiero

Othego ji, joka ang’enge

Oooyo kik uthedh wuoche no ne ng’ata ng’ata

Kobau to obau mana ni ero Ombulu owacho

Muofu nogono mak kwed ng’ato

Koro lute mana kanyo

Kanyo kanyo…

Pidhe mana e tiend yiend Machunga kanyo mondo olandre...

Lute uru mana ne Ogila...!

(Write to the author: tekta01 aT hotmail Dot com)

Akelo nyar Kager, jaluo@jaluo.com

TRAVEL TOOL

INVEST with JALUO

WENDO MIWA PARO

OD PAKRUOK