Jakom and ODM nominations

Jowadwa usee wacho mangeny kendo aneno kaka udhum gi dho msungu esama koro undiko ni Agwambo e wach mar yiero ma gweng Mbita, Kendo n'gano masomo baruani ma  ok par matut , to biro neneo ni to kara jatelo ero wacho "Democracy gi dhoge to koni to otimo gi "thuon"! Ma ok en adier.
 
An akwayo ogandawa ni mondo gitem nono matut weche matimore e Kenya sani. Kendo wawe ringo ei oboke ka piyo piyo, mondo wanere ka gima wan "more democratic than others". Jakom ose gore e luonje matek ma ok wachi.

Kama koro ochopo ni ogandawa koro iil ni wabiro nwango teloni, wakudre uru mondo wanon are ni to Lueny ma Jakom ose goyoni wasee konye machalo nadi? Bende nitie joma wasee yuayo mondo obi omi Jaduong kura kose ongee?

Ka Jakom osee bet ni gore e luenyni en kende, kendo osee yuayo ji koa Nam chumbi nyaka gwenge mag "Oria", koda pinje mag "Onjelo jogot", koda ka Jo tok Kodera, duto oyie kode, donge uparo ni nyaka bed ni Jakom ongeyo gima timo. To kose dibed no Gwenge go oyie kode ka ok on'geyo gima otimo.

Koro dibed ni e Nyanza wa ka ema enie "Dictator"? Ok apar ka ma  adier. Akwayo wapar matut kendo wawe mbwakni ka waparo ni wasomo, omiyo wanyalo dhumo dho msungo matek ka wakwero Jakom.
 
Siasa magore ei ogendni mamoko opogore gi ma waparo. Otingo joma nene jokuoye chon koda gi jo Njore, kata gi Joma N'gado n'gute ji. Omiyo watang uru. Jogi duto dwaro mondo jakom kik yud telo to Gitemo yore duto ma ginyalo timo mondo omi oyombe e kura ka. Wechegi otingo gigo machalo kaka "Keto andhoga ei ogandawa, mondo ka ombulu ose lut ba wanuango loch, to jogi biro  dar kendo gibiri kikore kod jo wasigu mondo omi Jakom orem kik lok weche mag Piny owacho e od Bura. Aparo wiiwa pod ok owil kod

Andhoga moa Rarieda. Pesa mag rembwa ose miye mondo otigo eyo mar kelo "anyiera ei oganda". Kendo yudre ni joma goyo koko matek ma wuondowa ni Gin kod oganda e kor gweng ma Mbita ka, ose yud ni gin jogo matiyo gi joo wasigu. Omenda imoyogi kod jo wasigu mondo gibi gikethi ni jogo ma omakore gi Jakom. E kor gweng gitimore kaka joma kelo "maendelewo".An apenjo ni maendelewo mane ma gikelo ka Pesa ma gitiyogo go omigi gi wuon Jimmy??

 Tang uru ahiinya Luowa. We uru memre! Onyuogo makayi, yudre mana ei lawi. To esani koro onyuogo n'geny ma ka wamigi nafas to gitiekowa, omiyo ka Jakom owacho ni wuod Ajwang, ema odwaro to mano ema miye uru. Kata kamano Wuod Ajwang bende nyaka wanyis ni, osee chopo sama nyaka olok pache mag okora. Chune ni nyaka ochak konyo oganda, kendo weche ma ithiano ni jii bende owe. Nono to wabiro rodhe mondo oyaw wan'ge. Kik opar ni ohingowa. Ber ne en achiel, ni ok en "ANDHOGA"
 
Owino Konyiego
An Nyakwar Marenya Komondi ma Nyakwar Ragem