Kurani dwaro lamo Ruoth Nyasaye

Kurani dwaro lamo Ruoth Nyasaye

Ayie gi wach osiepna ma nyoro asomo e Jaluo dot kom kae. Dwarore ni ji mondo odog kuom Nyasaye. Seche makoro ochoponi rieko gi ngeyo mar dhano ok nyal timo gimoro. Mana Nyasaye kende ema nyalo timo gimoro manyien mapok ji oparo kata matin. Ji duto ma dwaro mondo ODM olochi e kura mabironi mondo ochak lamo matek ahinya. Onge gima tek matamo Nyasaye. Nyasaye biro thiro rieko duto mag jo maundu ma koro temo mondo otim marach. Jeremiah 33:3 wachoni luonga uru to ne ayienu, kendo abiro nyisou weche matek matendgi ok ung’eyo. Ka jomalaika odhi ir Ibrahim gi Sara ma Ibrahim oruakogi, ne ginyiso Ibrahim ni chiege ma Sara biro mako ich manyuol wuowi. To Sara ne onyiero ma openjo ni be nyalore adieri. Jomalaika ne openjo ni be nitiere gima tek matamo Jehovah (Genesis 18:14). Adieri onge gima tek matamo Jehovah. Wabiro lamo nyaka Nyasaye tim gima nyien.

Jayalo Sillah Oriato