JEXJALUO ****
WEURU LDP MOS.
Dibed makosa maduong' ahinya ka ng'ato paro mar ketho LDP. Piny pod ok ber
kodwa ruok, nyikwa Ramogi. Omogi nowacho maler ni, "Nyathi thwol en thwol".
To ok mano kende, Omogi nochoko opwonjowa ni, "Chiero mithiedho ema gawi"
koro magi duto, nyikwa Ramogi Ajwang', unenogi maler e loch masani ni.
Jaduong' miyo mana yagi tich. Onagi ni to ok parie kuma nitie. Agwambo
nosemiyi telo, mago duto wiye osewil go. Mano nyakodoko! Ling'uraling'a
wan
marua to biro. Nyakalaga to nenowa.
Jarabuon en jarabuon. Kato wuok Gatundu, kato wuok Meru, kato wuok
Mt.
Kenya, kato wuok Njoro, pod en mana jarabuon aswa.
An afungo jo siasa mane chokre Siaya jumbe mokadhogo, kachiel gi wajumbe
mane chokre nam chumbi, molero maber ni LDP to ok kethi. Joma dwa ketho mekgi
okethaketha. Wan to LDP ni giwenwa mos. Loch mar Kibaki ka nitie yawuoyi
mojowuoro kendo jonek. Jogi ok dwar joluo, kachiel gi Raila. Omiyo makosa
maduong' ma joluo nyalo timo sani en bedo maonge gi chama. Ng'euru ni ka
waonge gi chama to waonge gi duol, to mano ema gidwaro. Omiyo LDP to marua
kendo LDP is here to stay.
Ajuoga.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher
winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.