JEXJALUO ****
Rado kod jotend Luo Kenya
Daher mar kwayo thuolo mar kelo jobura, jo ohala, kod jo Nyasaye ma oa Ohio,
USA mondo orom kod jotendwa madongo mondo wapor wach kaka wan jo Ohio,
wanyalo medo konyo jothurwa e yore mag dongruok ma kelo tije ni rawere ma
tieko skul.
Wachni omakowa matek Dayton, Ohio ka kaluwore gi nyithindwa ma Kanisawa
mar Christ Episcopal Church ose bedo ka konyo ei Nyabera, Karateng' chakre
higa 2000. E sechegi, nyithindo duto man e program ni, koro sani romo 60.
Wang'eyo ni tije ok yudre mayot e Luo Nyanza
kuom nyithindo motieko skul e higni mang'eny mose kadho, koro paroni thagowa
kuom nyithindwa gi moloyo, to bende ni nyithind Luo duto.
Inyalo somo
matin kuom nyithindwa gi e baruwa mar wuodh jotich Nyasaye ma ne otimore
higa mokalo ka, kata inyalo nwang'o manyien kuom jakom ma dala, Charles
Otieno Angugo, jagoro Jactone Oguso, kata jakeno Magdalene Owino, Nyabera,
Karateng'.
Damor ka ayudo duoko kuom jotend Luo ni wanyalo rado kodgi e ndalo ma ok bor ahinya.
Kuom yawa makia Ohio, en achiel kuom pinje mayudore
e USA, kendo en achiel kuom dero mar chiemo mapidho USA ka. En piny mar pur
miwuoro, kendo sambla mag chiemo modong' thoro dhi ne UN kuom konyo
kech e pinje ma oko. Baget mar sirkal mar Ohio higani en $48 Billion, to pod
inyalo somo mang'eny kuom Ohio ka.
Mogenou,
Francis Sidigu
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher
winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.