AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

 
 
 
 
 
 
 
 

Nwang' e-mail ka jaluo.com

CHULO JOMA NOSANDRE NIPINY
Ayogo Ajos, Ajuoga kod yawa duto matudre kar mbaka kaeni.  Gima awuoro toni mbaka oduono ka yao mathany thany ndalo oro, koso yawa nyoka pod chamo pasaka emier?  Ka kamano to kara miwauru weche manyien ma ufuenyo thucheu!

An giwach manok kuom wach Migosi mathiringinyi Ajuoga ma osiroe Koigi wamwere ni joma othagore ni piny kaka Oginga ka Odinga onego ochul kuom thagruokno.  Anto anene mopogore.  Thagruok ni piny ok en ohalo kuom mano oonge bei epiny mangima.  Ji mang'eny ahinya othagore ni pinywa ka mondo oyud loch.  Mane otimore ma ok ni kare en ni thoth joma ne otiyo matek kaka Kungu Karumba gi Bildad Kaggia ok oneno ber loch kata matin. Mose tho otho giluetgi to mangima to uneno mana giwang'u kaka kata chulo bill mar hospital mar Kenyatta nyocha otamo Kaggia. Loch mar Kenyatta gi Moi nowito joma nogore ni piny kumoro nono. To jothurwa mano bende ekit piny.

Apenjo kama, ndalo mane imako kendo itweyo joma ne dwaro malti pati politics Mwai Kibaki ne nikanye?  Bende uparoe sandruok eluet loch mar Phillip Gachoka, James Orengo, Bamariz, Paul Muite, Raila Odinga, Kenneth Matiba, George Anyona, Wamalwa Kijana, Anyang' wuod Nyongo' gi joma moko.  Endalogo (1991) an awuon omaka Kamkunji ka wadhi e rally mar yawa gi mi otera e od ang'ech kaka disiden.  Kinyne Kibaki wuod othaya nowacho ni ng'ama paroni malti pati dibi kenya ka chalo mana ng'ama ng'ado yath maduong' mar ng'owo gi wembe. Ni mano ng'ama oparo molewo kendo ni ok nyal timore. Sani Kibaki e president ma Kenya kendo ng'ama tale onge. Dak chulie yawa mane otieng' kabund joroho go? Japur motegno ema muodo oduma matin mohingo ng'ato angata, nikech odumbe gi ikwalo gi jokwoye, wede sumo, winy gi bie bende chamo.  Mana kaka Kibaki, thoth ji keyo kama ok nochuoyoe. Kaka asewacho, mano ekit piny.

Katero wachni nyime,  ji kaka Mandela (South Africa ), Patrick Lumumba (Congo), Martin Luther King (America) podi ok awinjo ni goyo bei kuom kedo ni jopiny.  Joluo madongo mane okedo ne lowo makoro wadake miluongo ni Luo Nyanza, kaka Aseto Rakuom (nohodho tong') kod Opana Jowi (noloso kuodi) podka joluo ochulo tobende ok nochul nikech kedo ni jopiny en gima ng'ato timo eheche ma ng'ama ochuno godo ng'ato onge.

Emomiyo kata yamo mar joka Odinga omero joluo ka kong amuna kamano, kara dawach ni gin to eero bende gisechamoe, ok dipim gi yawa mogore to oa giluetgi kaka mase luongo nying'gi malokanyogo. Kendo kuma piny digolie pesa machulogo ji duto mane osethau ni piny ndalo wabeberu nyaka multi pati diyud kanye? Apenjo nikech ginyalo chopo ji million achiel.

Wager uru mana piny ka wadhi mbele. Mitoka ok inyal riembo king'iyo chien.Emomiyo wach ni ichulo Oginga gi jomoko go aye uru. Mae chalna mana gi rawera moriembo jokueye kobiro kwalo odgi to bang'e nyiso babane ni nyaka chule kuom riembo jokuoye nikech "dine gikwalo gik pesa mange'ny eot kanyo".

Ean Wuod Asembo Koduong'

HARRISON YIEKO  ( Nyako manyadundo lachne gido lowo)

Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK