JEXJALUO ****
Watim referandum mondo wane kuma jaluo ochiko.
Agoyo erokamano ne Agwambo, kod Luo Council of Elders mane omiye
thuolo ewi Joluo duto ni mondo otim kaka ohero, ka ne Moi ose gaje, bang'
Moi wuondo Luo Council of Elders ni Agwambo e ng'ate moyiero.
Agwambo osetimo nyalone. Ne oketho Kanu ma Kenya mangima oyudo pogruok, ma
koro koda ji mohero nindo e jikond Lucy Kibaki ka Murungaru gini tinde pielo
mana e wi joluo. Agwambo nogalo ni wang'ni gini ne otudo ya kutosha, ma Memoranda
of Understanding (MOU) oketo wakil moyiedhi Rachier ema onyiedhe luete,
gini wang'ni otudo ka bilo! Mit oket jaluo ogeno gen Rowa!
Koro jaluo dwa rito mondo Luo Council of Elders
kendo onyis Agwambo mondo otim kaka ohero kendo kose? Ombulu nyocha wase
timo, koro gweng' ka gweng' ni kod jatelo ma wadendo ni MP. Thuolo ma owuok
ma yawa mayalo wach konstuson onwang'o rusa nyaka dwe mar aboro ni en hawi
ma Nyasaye omiyowa mondo wanuang' godo yo mar wuok e twech ma ondiegi mang'ang'a
tweyowae to waneno, wathal ka ji morundi gi yath, wasiko pagas mar kabinde
moko nyaka Yesu duogi!
MPs ma Luo Nyanza ong'ong' telo margi sani mondo gilos otas moro ma wuotho
e gwenge te ei Luo, ma penjo jo luo ka gihero dong' e Kenya, kata ka gidwa
goyo ligala mondo Luo Nyanza ochung' kende. Ka luwore gi chike mar UN, pogruok
mari ( in jaluo), kod sandruok mari (kabinde moko ok dwari), to gi rumbi
mari (ung'eny) oromo miyi thuolo mar goyo ligala (independence). Tiendeni
ka joluo mang'eny owacho gi referendum ni gigoyo ligala, dwe mar aboro utero
wach Bomas ni mani e kaka piny Luo owacho, kendo unwang'e nyamonge ma onge
dhaw!
Odundo ja Karatong'.
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.