JEXJALUO ****
Weche manyien mowuok got Kenya, koro walokgie gi dhowa!
Adhi sikul, koro we atem anyisie
jodong aich gi mege ma nyo owinjo weche mag fobia kod mania gi mamoko
e rotrit ma nyoro jotendwa odhiye got Kenya.
Raila fobia: Ma chalo
kaka mbi ma juolo dend ng'ato ka oneno Raila kata owinjo duonde, kata owinjo
ka ng'ato oluongo nyinge. Bende en luoro mar nyiego malich ahinya ma ng'atni
nigo kuom Raila. Raila fobia ni bende en tuo ma rach ahinya kendo ji man kode
nyalo siko mana ka gineno Raila kata en owuon oonge kanyo, samoro en mana
loka Uingereza, to gin chalnegi mana ni gin kode e ofis gi kata e ut gi.
Jok ma tuoni ose twoyo ahinya, kata nindo malong'o e utgi tamogi, kendo masani
ng'enygi thoro nindo e jikond Kibaki kama wigi wuondogi ni e kama manyasi
manyalo hosogi kuom tuoni yudore.
Kakoro wadua loke gi dholuo asili, weche ariyogi, "Raila fobia", inyalo
loke ni Raila Koko, nimar Koko ema wang'eyo ni ibuogo go nyinthindo. To kendo
inyalo loke bende ni Raila Ongalo, nikech ongalo en yien ma ka omieni to biro
ili ma kata iluokri to onge konyruok. To nyinge owuon bende jiwo wachni, "Raila",
ng'ama ilo.
Raila mania: Ma bende
en tuo machielo. To en tuo mar mor. Jok man kode samoro nyalo bwogi ni kose
gin gi ndulume, kata juogi, kata kose gimadho nyasore. Kik iwach wach moro
marach kuom Raila e nyim jogi, nimar ginyalo hinyi miwuoro, to bende bang'
hinyi, ok chalnegi ni gitimo gimoro marach. Kuom dholuo asili, "Raila mania"
inyalo loko ni Raila Mahia, kata Raila bilo.
Ritrit: Ritrit en kamoro ma opondo ma ji ma dwaro loso weche gi dhi ponde mondo gikuodh weche mabor kod jogo ma di thaggi. Atemo paro e anyuolawa ka nitiere tim mar dhi pondo kamoro ka ji poro wach to anwang'o ni ng'eny buchewa itimo e lela. Kata jodongo ka poro wach to nyithindo ema igayo ni kik chop machiegni. Kata kamano, nitiere kuonde ma opondo ei bungu ma joluo luongo ni Binga. Moloyo jokwath ema thoro tiyo kodgi kuom bworo ka koth chwe. Koro pondogi ni nyalo miyo waluong gi ni ritrit, kose?
Odundo ja Karateng'
Ahero mar mose dana Rosa Mumbo, ma en chi Mumbo k'Othuon, ka en Kano Nyamasaria. Dana ne aleki, ni koth ochwe ma Nyamasaria opong' imiyowa aditni wan gi Gudo, wadhi remo rech. To waremo rech mose chiek! Alamoni ngima ndalo duto, kaachiel gi deyena, nyiekeni, Maria min Olando, Odero min Omedo, gi Were min Onyuro, kaachiel gi kwara Naftali Sule bende, gi jo kaneya te man Nyamasaria.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher
winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.