08/25/2003
WECHE MOKADHO
JEXJALUO ****
;
Jalup telo maduong' Kenya, moluor Kijana Wamalwa otieko mare e pinywa ka. Ayula wang' ma nyaka chieng' okawe ngeso kogwen, kuma ne onwang'e thieth Ulaya.
Kaluwore gi weche ma wuok e gaset mar "nation" e juma ma nyoro cha, wuod tok kodera nyocha nwang'o thieth kuom laktar mar Ayaki, nyadendi ma nyinge Jonson, ei boma ma London.
Ayaki ok tugo yawa jothurwa. Kaneni pesa thiedho, to Wamalwa dothiedhi. Serikand Kenya nyocha oketo ne nyadendi Jonson ni ojuk ajuka pes serikal kaka ohero to othiedhi jalup ker. Kata kamano, tuoni onge yadhe, mit jatelo oleng'o lewe.
Koro jothurwa, obed mana puonj kuom ji modong' ni uritre e ngimau. Ayaki ok oyango, kata imewo, kata idhier, kata pod ithin, kata ise bedo jaduong', kata in ker, kata in karan, kata in raura; ka idonje timbe mag nyamruok oko ka guok, ibiro tho kendo ibiro neko, to mana e nying Ayaki.
Wamalwa ero koro oweyo dhako ma wang'e neno maler ndi. Joter koro ng'iye gi miluma. To donge dipo ka iromo gi mak olwer! Dhano ma otho kuom tuo mar Ayaki, ji duto ma yande onindo godo bende ding'eny nwang'ore ni kod Ayaki.
Anyisou adiera, jo Kenya tho ahinya kuom tuo mar Ayaki moloyo pinje mamoko nikech jotelo mung'o weche, ok gidwar wacho adier manyalo konyo raia kuom kingo tuo ni. Uneno Wamalwa, ni en jatelo to owuondore nyaka osim, kar nyiso telo mare mondo opuonj jopiny kaka nyalo ritore kuom wach Ayaki. Ere kaka Kenya biro tieko Ayaki ka jatelo maduong', mithiedho gi pes serikal, ok onyal kawo atwa mar bedo ranyisi mar puonjo jo Kenya, nyaka otho ka othung' gi wechegi e chunye?
owadgi Omande
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.