AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

 
 
 
 
 
 
 
 

Nwang' e-mail ka jaluo.com

YIKO DHAKO MOTHO KARIYA KOD TIEKO MISICHE (KWER)!

Penjo: Mig. John Akumu Onyango
an kod penjo kama nyikwa ramogi,
Penjona en kama: ka wuoyi onyombo to pok otero thok dala gi nyako kae to dhako iringo oweyo ochako odedo ne ngama chielo kane ok oriembe kae to achien dhakoni onegore to gi nyadhi manyako mane onyuolo kode  kadichuo mane okende cha .bende ber mondo dhakoni oyik e dalagi dichuo mane okwongo kende cha  koso nikeck nyadhi bende noyik kadichuo mane othoyecha. bende inyalo yie dhakoni dala gi chuore mane okwongo kawe cha ka dichuo odagi?
rgds


Email: onyango@ureach.com

DUOKO; Mig. Ajos wuod Atiga,
Wuon Abila, Jaluo dot Kom

Ka dhako otho kariya to iyiko nade?

Kend en mako nyako kendo idak godo kata pok itero gimoro dalagi, mano ok onyiso ni isenyuome, nyombo en ka itero gimoro dalagi nyako. Omiyo ka dhako oweyi kendo odhi kariya (odhi por) kapok inyuome to mano ok chiegi ngang'.

Jaduong' dala tieko kweche dhakoni nade? (mano timore kuom dhako mane onyuomo)

Kaka iyiko dhako motho kariya chalo kama: Dhako ka otho kariya to ode pod ochung to irwake e dala kod mbunga kata kaka jodongo opuodho, mano timore kuom dhako mane osetiek keny mare. Kendo jaduong tieko kwechene kaka chik dwaro.

Ka jaduong' ogoyo dala gi dhako machielo to iyiko dhako motho kariya nade?

Yiko dhako motho kariya to chuore ogoyo dala gi dhako machielo iyiko kama: Dhakoni iyiko e dir dipo (pacho). Kendo dwarore ni jaduong dala tiek kwechene kaka chik Luo wacho; mak mana ni nyaka obed ni en gi duol (abila), ka ok kamano to nyaka oger hindi motiekoe kweche dhakono.

Kane oyudo nyathine oseyiki kariya kumane odhiye cha to ber mondo oyike kuno nimar mano e chuore, mak mana ka chuore mokwongo notero dhok dalagi to ok rach en emane ohange; chuore mar ariyono to chal kaka jachotne ma ok onego yike.

Nyikwa Ramogi Nyasach kwere mondo ogwedhu ndalo duto.
Medwa pachi in bende kuom wachno;  Imel: WuonAbila@jaluo.com

Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK