AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

 
 
 
 
 
 
 
 

Nwang' e-mail ka jaluo.com

Jadoho tweyo gara e tiende.

Jandiko; Mig. Ajos wuod Atiga,
Wuon Abila, Jaluo Dot Kom.

Jadoho kane chiegni chopo e dhorangaye to nochako wer kata goyo koko, matek to moloyo ne otweyo gara e tiende mondo kik oyud ka ng'ato terore gi chiege, jagono mane oyudo lalore gi yuore kowinjo duond wuon pacho to oluchore gi e kor chiel (rot) mak oromo gi wuon pacho, nimar mano en kwer makech miwuoro. Nimar chik Luo ok ber mondo ijuk ng'ato ka terore gi chiegi e odi kata e dalani. Mihoso mare bende yudo tek putu.

Ok en kido maber mondo dichuo oliw chiege kuma oterore gi ng'ato kata dhako kuom liwo chuore mondo (ogoye gono) ojuke rando.

Chon gilala yande mon thoro bedo gi yuochegi moko thenge ma gichodore godo, kadipo ni jaduong' pacho kisonga moro ojuko e wi dongo kata ka dhako dwaro sumo kodhi oko.

Koda obed dhako kata dichuo gigo nitimo apanda (ling' ling'). E piny masani to koro ok onyal timore nikech tuoche opongo piny. Sumo kodhi to sani inyalo yud resruok e yor ,ute thieth' (Osuptal).

Joka-Ragen (Jolang'o) to yande time e yo mopogore kodwa, kane oyudo wuon pacho owuok to wuod wuon (owadgi ma bathe) moro nyalo dhi chuto bor ode (lalore gi chiege). Gimane nyaka otim en ni nyaka ogur tong' e dhoot omiyo ka jaduong' pacho oduogo oyudo kamano to ok onyorre odonj e odno nyaka wang' wuoyino tiek gombone gi nyadendino.

PUONJ: Gigo netimore ndalo machon, sani to koro dhako obed gi chuore, dichuo bende obed gi chiege kende. To kadipo ni del oloyo ng'ato to tem irwak mapira mondo kik ikel masira e dala kayiem. Chuo kik wiu wil gi mor yomo pien yunga midendo gi dho sungu ni (lubricant) onyalo konyo mondo kik pien ridhre. Un chuo ok apuonju yor chode, un mon bende ok awacho ni nyaka utim tuk pondo ooyo! Ritreuru Nyikwa Omogi.

Kwe kende Nyikwa Awando Ny'Okal!

Ajos wuod Atiga; nonda en: WuonAbila@jaluo.com

Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK