08/08/2003
WECHE MOKADHO
JEXJALUO ****
;
Dwoko Abok Nyakwar Arodi
Wuon Abila,
Aoroni mos mogundho.
Puonj ma igolo e mbui ka ne oganda Luo
ber ahinya. Wi wach 'Kit dak e pacho' ma
nyoro igolo nyo mit ndi.
Kata
ma kawuono mar 'Gonyo dho keny gi wero e keny' be ber ndi. Wapako kendo
tichni
opuodhi. Nyasaye
omed guedhi!
PENJO:
Kata
kamano an gi penjo matin kuom wach Dho
Keny.
Apenjo
kama:
- Chon
Jo Luo ne nyombo dhok adi e ka ikwano ni keny orumo?
- Be
ng'ato ne nyalo nyuomo dhok te (kata ka gin apar kata abich) dichiel?
- Dhiang'
ma ne ikuongo ter ne bet mar ng'a; wuon nyako? owad gi nyako? to koso
dhiang' ka dhiang' ne iyango ne ng'a?
- Be
nitie nying' moro amora ma ne omi dhok ma ne inyuomo gi?
- Be
ne nitie gimoro amora mane nyalo geng'o ne ng'ama osekendo mondo kiki
ter mwandu thur gi chiege ?
Erokamano. Mago kende, arito duoko mari.
An Abok Nyakwar Arodi Nyochola
DWOKO:
Nyombo ndalo machon ne ok rum dhako ninyalo nyuom nyaka ti! Luwore gi winjruok e kind wuon Keny gi wuon Nyako. Kata kamano ninyalo nyuom kata mana dhok piero ariyo gi wiye. Minwa Atiga Ny’Ochola nonyuom dhok apar g’aboro.
Kuom winjruok keny nyaka ne tieki eka keny bedo gi hawi. Dhako monyuom dhok mathoth ne yudo gweth mar jonyuol. Ok ochuno ni nyaka nyuom dhok dichiel, inyalo nyuom nyako mos mos nyaka keny rum.
Dhiang’ mokwong nyuom bedo mar min nyako kaen dwasi, kaen rwath to en mar wuon pacho. Nimar dwasi kelo chak, rwath to konyo kuom pur. Wuon Keny ne nyalo nyombo mochak okony owadgi nyako (ore) eyor keny mano luwore gi winjruok.
Nying’ dho Keny ne ok oyangore ahinya mak mana dher yawo keny kata mar tieko kweche ka nyako onyuol dalagi kata ka masira moro otimore emane nyalo bedo gi nying’gi. Kata kamano abiro temo nono ka dipo ni nitiere nying’ mane iluongogi godo.
Wuon Keny ne ok nyal nyuomo dhako kata tero dho keny ka poni min wuoyi ne pok onyuom dhok, kata kweche mag dala ogeng’one! Ka nyako matin okuongo ne nyako maduong’ dhi katedo. Kata wuoyi maduong’ okuongo kendo. Kod kweche ma moko mag dala ne nyalo miyo wuon Keny dikre kapok otero gimoro thurgi nyako.
Hap Ruoth wuon Oganda oritu duto joka Nyanam!
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.