01/30/2006
GRANTS
WECHE MOKADHO
JEXJALUO ****
;
Wich teko miyo jaluo ketho hawi mare
Joka nyanam wan jogo ma riek makata ka idwaro rieko moro ma ok mar dhi sikul to iyudo mana e piny luo ka. Joluo wan jogo mariek matamo oganda mamoko wacho.
Gima kethowa e piny luo en achiel. Ka koro wan joma riek kama to ka ochopo kama koro idwaro ni mondo oganda obedi piny kendo owinji gima timore kendo mondo gilos wach maber manyalo kelo mor to Jaluo ok oyiego. Wasebedo ni wariek makata ka koro jaluo wadu dwaro nyisi ni kamoro to rach to ok iyie godo. Piny ka jodalawa kata iriek to nyaka bedie puonj moro ma iyudo kuom jaluo wadu.
Gima omiyo awacho kama ka ingi'yo piny luo ok duto odhi sikul nyaka e
ranginy mamalo. Ji moko nigi somo matin, moko ochopo ediere kanyo to moko odhi malo moromo chuth. Jogo ma ok nigi somo mabergi gin ema gisebedo mathoth e thurwa ka ma oloyo jo mamoko nimar waonge gi mwandu maber ma wanyalo terogi godo e ranginy mamalo e yor somo. Jogi ema ji moko bende oseyudo ni gin joma ka isewachoni ni gima idwaro ema ber to koro onge ng'ato manyalo biro kendo kwer ni gino ok ber kendo miyo lweny wabedo god e kindwa wan wawegi mamiyo waneno jogo ma ofuwo sinawuoya.
Ang'o momiyo ok wanyal bedo jogo manyalo bedo gi thuolo mar wacho wechewa eyor winjruok kendo ngato neno ni kare gima ne awaccho to ne ok owinjore.
Wanyalo bedo ni wasomo kendo wariek to wabam kamoro nyaka wayie mondo ngato kwerwa mondo walos ranyisi marach ma wachiwo ne ogendini mamoko.
Gilbert Ogawo
Ja-Ugenya chiemo eka gidagi
Joluo.com
Ka in gi mari moro ma di wandik ka to
orni
Akelo nyar
Kager, kata wuon
Abila,
kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.